Friday, August 7, 2015

15ng ilegal na parasira dinakop sa Siruma

SIRUMA, Camarines Sur –Maisog nang maray an kampanya kan mga pulis sa pag-enforsar kan ley dapit sa ilegal na pagsira digdi.

Chief Supt. Victor P. Deona
Sabi sa pinakabagong despacho kan bareta, an Sea Borne Patrol kan pulis sa pamamayo ni Police Senior Inspector Jerome L. Regachuelo an nakadakop nin 15 personas na ilegal na nagsisira sa dagat kan Barangay Butawanan digdi.

An nagkadarakop anas tripulantes kan F/B Picay.

Sasangatan sindang caso sa pagbalga kan Sec. 86 asin Sec 90 kan RA 8550, an ley sa pagsira.

An caso isinangat sa Municipal Trial Court contra ki Ronilo Leano y Doe, asin an mga kaibang pansaw sa palakaya na may docket No. CC No. S-15-1928 para sa Sec 86 asin CC No. S-15-1928 para sa Sec 90.

An mga inarestar binutasan man tulos pagkatapos sindang makabayad nin tig P2,000.00 na fianza, para sa saindang temporaryong libertad.

An seguidong kampanya kan mga awtoridad laban sa mga illegal na para sira parte kan programa ni Chief Supt. Victor Deona, an hefe kan police sa Region V.—BICOLSTANDARD.COM Pirming enot. Pirming bago.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...