Thursday, August 20, 2015

1 gadan, 2 irido, binadil sa Calabanga

CALABANGA, Camarines Sur—Pigtitipon pa kan mga awtoridad an mga evidencia na pwedeng makatukdo sa responsable sa krimen na nag resulta sa pagkagadan ni Danilo Panuelos y Sallentes, 53 anyos na balo.



Afuera ki Panuelos, an iba pang mga victima sa pangyayari iyo si Helen San Joaquin y Banglo, may lugad, asin si Salvacion Panuelos y Sallentes, 72 anyos, may lugad, asin pareyo residente kan Barangay Tomagodtod digdi.

Mayong nakabisto kan suspechado na nagbadil kan mga victima.

Segun sa imbestigador, an mga nakua nindang evidencia sa pinangyarihan kan incidente iyo an limang capsula na hale sa calibre .45 ba pistola asin tolong pinaputok nang bala hale sa pareyong calibre nin badil.

An bangkay kan victimang si Panuelos dinara sa Municipal Health Station digdi para sa autopsia.
An duwang iba pang mga victima dinara sa Bicol Medical Center sa Naga City para ipabulong.

Hasta ngonian na pigsusurat an baretang ini, an pulis mayo pa nin informasyon na pwedeng makataong giya para madakop an responsable sa krimen.

An incidente nangyari sa Sitio Ilihan, Tomagodtod, sa banwaan na ini.
—BICOLSTANDARD.COM. Pirming enot. Pirming bago.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...