Tuesday, July 7, 2015

“Unglo,” ginadan an matuang tugang sa Nabua

NABUA, Camarines Sur—“Dead on arrival,” ini an sabi kan doctor na nag-asikaso ki Glen Refugio y Moreno, 51 anyos, kan darahon siya sa Rinconada Merical Center (RMC) sa banwaan na ini. Idinalagan siya sa hospital tangani kutang ipabulong huli sa mga lugad na sinapo sa manlaen-laen na parte kan saiyang lawas.



Sa intrevista ngonian na aga ki Senior Inspector John Murray Cutaran, an hefe kan pulis digdi, sinabi na base sa saindang pagsiyasat, nagkainitan an magtugang na Glen asin Aurelio Refugio kan sinabihan kan victima an saiyang ngohod na si Aurelio na “magpacheck up na” ta may helang siya.

Segun sa pag-imbestigar, an victima pirang beses na oro-otrong rinapado nin kapidasong kahoy kan ngohod na tugang na si Aurelio Refugio y Moreno.

Si Aurelio bantog sa bansag na “Unglo,” digdi.

Nangyari an incidente sa residencia mismo kan victima.

Pirang minutos makalihis an krimen, idinalagan tulos sa hospital an victima, mantang nagtitiwis pa an dugo hale sa lawas asin naghahagromod pa sa kulog. Huri na an gabos, sabi kan doctor.

An imbestigador nagsabi sa saindang report na sasangatan ninda nin casong Homicide an suspechado.

Si Gen Refugio y Moreno, taga Zone-6, La Opinion, sa banwaan na ini, mantang an suspechadong si Aurillo Refugio y Moreno, residente man kan sinambit na Barangay.

An suspechado yaon ngonian sa poder kan mga awtoridad, pagkagtapos na siya maarestar.—BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...