Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, July 1, 2015

Planta nin buko juice sa Sorsogon, ipigreklamo

PPPC plant sa Candelaria, Quezon
(Photo: RTVMalacanang)
SORSOGON CITY—Maisog na an tataramon kan mga parasira sa Sorsogon Bay contra sa operasyon kan Peter Paul Philippine Corporation (PPPC), an companiyang nin buko juice sa Diversion Road, Barangay Cabid-an digdi.

An mga residentes kan nasambit na lugar nagpaabot na liwat nin reclamo sa oficina kan City Environment and Natural Resources (CENRO) sa ciudad na ini para pukawan an saindang attention sa nagdadanay na problema.

Sabi kan mga afectadong residentes, maski pa sinda nag-osip na sa gobierno lokal digdi mapadapit sa pagtapok kan basurang tubig kan companiya na pinapabulos sa dagat, daeng nagiginibo an saindang mga reklamo.

Pinatanidan kan mga residentes kan Cabid-an na kun dae ootobon kan PPPC an tamang pagtapok kan saindang basura na minadalagan derecho sa dagat, ipapaabot na ninda an reclamo sa mga haralangkaw na oficial kan gobierno.

Nagtutubod an mga naghahanapbuhay sa dagat sa may parte kan Cabid-an na kulang nang maray an saindang nakukuang sira sa dagat ta nadadanyaran kan nakakahilong ati hale sa companiyang nin buko juice.

Hasta sa panahon na sinusurat an baretang ini, dae pa ki pinapaluwas na positibong aksyon an oficina kan CENRO Sorsogon City para maipasunod an tamang reglamento sa pagdispachar kan maating tubig na hale sa ipigrereclamong planta.—BICOLSTANDARD.COM Pirming enot. Pirming bago.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...