For immediate hiring

For immediate hiring

Saturday, July 4, 2015

NPA sa Mandaon, sinahotan nin Arson asin Robbery

MANDAON, Masbate—Sinahotan an sarong grupo nin mga miembros kan New People’s Army (NPA) na iyong responsable sa casong fuerzahan na magkua kan mga gamit sa laog nin barracks kan contratista nin patrabaho sa tinampo sa Barangay Dayao digdi.


Segun sa report kan pulis, si Ka Jonas, sarong halangkaw na oficial kan rebeldeng grupo, iyo an namayo kan pagsakyada kan temporaryong estaran kan mga trabahador kan Hi-Tone Construction and Development Corporation, na nagkua kan mga importanteng kagamitan kan contratista.

Nagluluwas sa nagunong report na dae makulang sa 50ng mga armadong miembros kan NPA an nagralaog sa estaran kan mga trabahor kan Hi-Tone Construction and Development Corporation, asin fuerzahan na kinua kan mga rebelde an sarong unit nin Lenovo laptop, na may kantidad P25,000.

Dae pa nakontento an mga rebelde, inagaw pa suboot kaini an pitaka kan sarong nagngangaran na Reggie Moneda na may laog nin P7,000 asin mga identification cards, sarong cellular phone na may valor sana man nin P1,000.00 na pagrurogaring ni Adonis Roque.

Huli kan siring na pangyayari, duwang separadong caso na “Robbery in-Band” asin “Arson” an isinangat contra ki Ka Jonas asin mga pag-iriba na inapod sanang mga John Does, huli ta dae nin nakabisto kan saindang mga tunay na pangaran.

Afuera kaya kan mga personal na gamit kan construction company asin empleado, sinubsuban pa kan mga rebelde si mga darakulang gamit kan contratista.

An mga awtoridad nagtutubod na an tuyo kan mga rebelde iyo an pagkastigo kan contratista, pagkatapos na dae magpahonra sa rebolusyonaryong grupo na magtao nin “revolutionary tax,” sabi sa report.

An duwang caso pigsunad na sa Provincial Prosecution Office duman sa Masbate City.— BICOLSTANDARD.COM
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...