Monday, July 20, 2015

Nag-ihi sa toilet sa Plaza Rizal, pinatadokan nin saksak

NAGA CITY – Mayo nin na-aaninaw na rason si Joemar Yucoc y Encinas na taga Barangay Lipot, Milaor, Camarines Sur kun tano sa bigla siyang winatingan nin saksak kan sarong lalaki na lagaw-lagaw sa centro kan ciudad na ini.

Plaza Rizal, Naga City
Photo: JCI Philippines
Si Yucoc, sabi sa report, nag-ihi sa pampublicong toilet sa Plaza Rizal kan mangyari an incidente.

Tinadokan nin mapanas na tarom an victima sa saiyang lalawgon na nagwalat nin lugad na kaipohan tulos lapatan nin bulong kaya siya dinara sa Naga City Hospital.

An suspechado iyo si Erwin Panesa y Oliveros alyas “Uban,” na taga Clopa, sa Barangay Calauag digdi.

An incidente nangyari poco mas o menos alas 8:40 nin banggui, sa atubangan kan dakul na tawo na nakaheling kan krimen.

Afuera kan saksak sa victima, pirang beses pa ining sunukiti ni Panesa, sagkod na haros mabungaw.

Ipinahayag kan mga meron na an suspechado bistadong maray na pasaway sa centro, na kun pira nang beses na-imbuelto sa mga kabaeng na pangyayari.

Apisar kan malaen na mga tama sa lawas kan victima hale sa saksak asin sa gatok sa payo huli kan mga surunod na suntok, dae na nagsangat nin reclamo an victima.

Pighahalat kan pulis an victima na magfirma nin reclamo tanganing mapenaran an pasaway, alagad pigmarhay niya na ibitaran na sanang mag-ihi liwat sa pareyong lugar para dae na mangyari an sinapo niya sa tahaw kan pasyaran na Plaza Rizal digdi.—Report ni Boyet Paderes, BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...