For immediate hiring

For immediate hiring

Monday, July 20, 2015

2 menor de edad, dinara sa DSWD huli sa paghabon

NAGA CITY – Duwang mga menor de edad an nagboyboy kan saindang kasalan sa pulis pagkagtapos comfiscaron kan duwang miembros kan barangay tanod sa Barangay San Francisco digdi si mga bitbit nindang suboot hinabonan na gamit.

Naga City
Sabi kan saro sa mga menor na ni Sonny (bakong tunay na pangaran) sa mga awtoridad, siya asin an saiyang amigo na si Tolits (bakong tunay na pangaran) naglalakaw sa may E-Mall kan makursunadahan an saindang mga bitbit na gadgets kan duwang tanod sa barangay San Francisco digdi.

Pagkatapos na kuahon an 3ng cellphone na dara ninda asin an kantidad P359, naglakaw na parayo an mga tanod.

Alagad, an marigmat na mga mata kan mga aki nakatorohok sa lugar na dinumanan kan mga tanod, hastang naheling ninda na pigbabanga na an mga kinua sainda.

Ipinahayag ni Sonny na talagang dae siya nakareklamo kan kuahon kan mga tanod si cuarta asin mga celphone, ta sa katunayan hinabon man sana ninda ini sa mga menor de edad na taga banwaan kan Libmanan.

Mientrastanto, dae nagduwa-duwa si an mga aki na i-osip sa pulis si nangyari sainda.

Bilang resulta kan saindang sumbong, pinasadahan kan mga awtoridad an lugar na binayaan kan mga aki an duwang tanod, asin tulos na recover an mga nawawarang gamit asin cuarta.

Mayong naginibo an mga tanod sa sumbong kan mga aki, kaya itinao ninda an mga hinabonan na gamit na inagaw man ninda.

Huli ta mga menor de edad, dae na sinda sinangatan nin reclamo. Pero, dinara si duwa sa City Social Welfare Office digdi.

Ipinahayag kan pulis na hahanapon ninda an kagsadire kan mga cellphone na taga Libmanan ta itinao kan mga aki si saindang address asin mga pangaran.

An duwang tanod kan San Francisco dae naman sinangatan nin reclamo.

An mga aki dae na sinambit an mga pangaran huli kan saindang edad.—Report ni Boyet Paderes, BICOLSTANDARD.COM
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...