Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, June 17, 2015

Suspechadong tulak nin droga, dakop kan PNP

CALABANGA, Camarines Sur— Sarong pigsususpecharan na tulak nin droga sa banwaan na ini an nahulog sa kamot kan mga pulis alas poco mas o menos 6:30 kasubanggi.

Calabanga, Camarines Sur
Si Clemente Sinogba y Romero, alyas Menting, 45 anyos, soltero, asin residente kan Barangay San Miguel an dinakop sa sarong buy-bust operation.

Nakua sa poder kan suspechado iyo an tolong P100 na marked money, limang sachet nin kemikal na pigtutubudan na shabu asin duwang bala kan calibre .38 na badil.

Si Sinogba ngonian nag-aatubang sa reklamo sa pagbalgar kan Section 5 asin 11 kan Comprehensive Dangerous Drugs Act of 2002.

An pinaisog na kampanya kontra sa ilegal na droga saro sa mga obheto kan PNP P.A.T.R.O.L. Plan 2030 asin pag-otob sa kasuguan hale sa PNP Regional Office na bawasan an kriminalidad sa enterong Bicol. Ini sa lindong kan matrayumpong Target Output Policy na proyekto ni Regional Director Police Chief Supt. Victor Deona.

An mga evidencia, segun sa Calabanga police, ipapadara sa Camarines Sur Provincial Crime Laboratory Office.

Maroromdoman na ngonian na bulan, nadakop man kan Camarines Sur police an pigsasahotan na saro sa mga parabariwas nin droga sa Rinconada area asin sa ciudad nin Naga.—BICOLSTANDARD.COM
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...