Wednesday, June 3, 2015

TESDA graduates madaling makakuang trabaho

LEGAZPI CITY, Albay—Pwede nang makipagsabayan sa mga professionals asin mga graduado sa colegio an mga nakatpos nin pag eskwela nin vocational o sa Technical Education and Skills Development Authority (TESDA) sa paghanap nin trabaho.


TESDA Secretary Joel Villanueva sa Albay
Kua ni Bobby Ferrer, BICOLSTANDARD.COM

Ini an ipig-orgullo ni TESDA Secretary Joel Villanueva kan siya magtaram sa atubangan kan labing 200 na mga naggraduar na mga estudiante sa mga cursong vocational, na ginibo sa Lagman Hall, Tabaco City kasoodma (Junio 2).

Sabi ni Secretary Villanueva, susug sa pinakabagong record ninda, 77% an posibilidad na makakua nin trabaho an mga graduado sinda sa mga cursong ipig-oofrecir kan TESDA.

Idinagdag pa kan opisyal na probado nang madali makakua nin trabaho an mga graduado sa TESDA, huli ta dakul an naghahanap nin mga nagtapos sa cursong vocational ngonian na mga panahon.

Kun siring, dae na pwedeng pag basang-basangon an pagkua nin cursong vocational sa tabang kan sinambit na eskwelahan na lakop nang makukua sa dakul na parte kan nasyon.—Report ni Bobby Ferrer, BICOLSTANDARD.COM
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...