Saturday, June 13, 2015

RAWITDAWIT: Harubay sa Dagat ni Estelito Jacob


HARUBAY SA DAGAT
ni Estelito Jacob

Sabay-sabay tang linangoy an dagat
alagad tulos kitang pinulikat.
Sa tubig kun saen may garong burabod,
naghadit an kahaditan sa nalulukot na alon.
Siring pa man, gantad pa man giraray
kitang naghawas sa nanunulod na tubig
dawa ini sarong pag-agwanta nin pangaturugan,
Pagmati ta, nakagamugam kita nin mapa
huli ta nakanumpong tulos kita nin bagong dagat.
Gurapay man, nagkalag-kalag kita nin bagong isla.
Alagad, daing barko an ngunyan namarapara.
Sulamente, an saldang na padagos na nagpupula,
nagsusulnop sa satong kairaruman mantang
winawalat an nagrurumarom tang liwanag.

Nobyembre 7, 2014
9:25 n.b.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...