Principal natakot isumbong sa radyo; nagbayad kan utang sa lalaking macho

NAGA CITY –Pinahimutikan kan sarong babayoteng principal sa Pili, Camarines Sur an sahot kan sarong maskuladong lalaki na igwa siyang utang na kantidad P150.00, sa saindang sexual na relasyon na nangyari sa sarong motel digdi.

An principal sa pampublicong escuelahan sa high school nag-siringilan nin utang sa atubangan kan pulis asin reporter nin radyo, pagkalihis nin halipot na diskusyon na nangyari sa Plaza Quezon.

Nagpoon an iwal kan duwa kan hipaan ni Junior de los Santos, taga Villa-Karangahan, an babayoteng principal na nagpabisto sa gaha na Mardy (bakong tunay na pangaran).

Si Mardy  suboot  hinahagadan kan saiyang kakulangan na bayad sa saiyang servicio para sa sarong oras may kabangang romansa kan sarong bakla asin sarong macho.

Nag osipon si Junior na nagtugot siyang mag iba sa bakla pagkatapos na promisahan nin kantidad P450.00 na kabayaran sa saiyang servicio sa principal.

Sabi ni Junior si saindang contrata dapat P500.00 para sarong oras sana. Pero nagtawad pa si Sir na gibohon na sanang P450.00 asin may time extension na kabangang oras.

An problema sa barayadan

Pagkatapos na itinao sa principal an hinahagad na kaogmahan kan principal nag bungkaras tulos an problema ta solamente kantidad na P300.00 sana an idinohol saiya.

An sabi ni Sir, ta an balance na P150.00 papagadohan sa masunod nindang encontrada.

Naglipas na an labing duwang semana  dae nagpaheling si Sir Mardy sa dating lugar na sinda nagkaoyon matagboan.

Isinaysay ni Junior sa pulis na haros oro-aldaw niyang hinahalat si bayad ta nag lampas na si talaan kan pagbayad, pero dae nag abot an principal.

Aksidente sanang nag agi si Mardy kan sarong aldaw kaya dagos niyang si bayad.

Comfrontasyon sa pulis

Sa atubangan kan imbestigador makusog an boses nin Mardy na nagpapahimutik kan saiyang suboot obligasyon.

“Mayo akong utang saimo asin dae taka bisto," an alegasyon kan principal.

Maray na sanang an saro pang maskulado na kaiba sa hanap buhay ni Junior an pagpatunay kan pag-ibahan kan duwa sa motel.

Si Mardy nagkaluha na nag bot-bot nin kantidad P150.00 para ibayad sa macho, bastang dae na makaabot sa radyo an bareta kan nangyari sainda.

Si Mardy pamayo nin escuelahan sa Capital Town na kadakul an estudiante sa high school. (Report ni BOYET PADERES –BICOLSTANDARD.COM

Start typing and press Enter to search