Monday, June 8, 2015

NPA sinurungan an Army sa Monreal

Map via Wikicommons, Mike Gonzales, The Coffee

MONREAL, Masbate—Maisog na nakibadilan an mga miembros kan Philippine Army na pinapamayohan ni Cpl. Angelo O. Anguilo sa carculadong 15ng mga rebeldeng miembros kan New People’s Army (NPA), sa Sitio Matang Tubig, Barangay Real sa banwaan na ini.

Nangyari an incidente kan sarong aldaw, alas 2:30 nin hapon.

Sinabi sa report kan Charlie Coy 9IB, 9ID Scout Platoon kan Philippine Army, na an saindang mga soldados nag coconducir kan saindang regular na pagpapatrolya kan bigla sinda makadangog nin makusog na putok nin bomba na sinundan nin pag-arak-asak nin badil.

An mga soldados kan gobierno nakisabayan nin paputok kan saindang mga armas na nagdurar nin poco mas o menos 20 minutos.

Mayo nin ibinaretang nakulgan o nagadan sa mag ibong na lado.

Mientrastanto, an mga miembros kan Municipal Police Station digdi, na pinapamayohan ni PSI Erosto Gigantoca Santiago, an Officer in Charge kan MPS asin an saro pang grupo nin mga pulis sa pamamayo nin PInsp. Ermelo Garcia Dichoso, Jr., na nakabase sa Monreal Gymnasium an nag responde sa incidente asin nagconducir nin ocular inspection.

Nadukyan sa pinangyarihan kan baradilan an 150 metros nin electrical wire na ginamit bilang detonating cord, asin sarong pidaso nin blue na sako na may laog nin duwang plastic bags, sinapnang maluto, sarong kahon nin sardinas, asin sarong pidasong yellow food bowl.

An mga narecover na evidencia yaon ngonian sa poder kan army. (BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...