Monday, June 1, 2015

Negociante binadil sa Daet, CNorte

DAET, CNorte – Nag titipon pa nin mga evidencia hale sa mga testigo na pwedeng makataong linaw sa pag probar na pag gadan ki Edison Genilo, sarong negociante sa banwaan na ini.

Si Genilo binadil kan dae nabistong lalaki mantang naghahalat kan saiyang agom.

Mantang sinusurat an baretang ini mayo pa nin maliwanag na prueba an mga awtoridad na pwedeng makatao nin giya kun tano ta pig probaran siyang gadanon.

An victima bistadong negociante sa banwaan na ini.

Mientrastanto, an pig sisibotan kan mga miembros kan familia kan victima iyo an operasyon sa saiyang lawas para mahale an bala hale sa dae pa madeterminaran na calibre nin badil.

An bala nagtadom sa likod na parte kan hawak ni Genilo, ta linikat siyang paputokan hale sa saiyang likodan.

Sa presente, nag distino nin mga gwardia sa saiyang cuarto sa hospital an mga awtoridad para maibitaran an ano man na relamaso sa buhay kan victima.

Mga miembros kan Philippine National Police (PNP) an nakadistinong guardiya  sa hospital na matao nin seguridad sa victima.

Pig probaran na kaolayon an saiyang esposa para makuanan nin pahayag, alagad nagsabi na dae pa siya preparado na magtaram huli sa kamugtakan kan saiyang agom ngonian.

Sa ibong na lado, an mga awtoridad nakikipag olay na sa mga tawo na pwedeng makataong linaw sa krimen. (BICOLSTANDARD.COM)
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...