Tuesday, June 9, 2015

Nagpaheling kan saiyang ikinabuhay, dinakop kan pulis

NAGA CITY—Apat na mga daraga an nag-osip sa pulis na suboot binastos sinda kan sarong lalaki mantang naglalakaw sa Jacob St., Liboton kan sarong banggui.

Ciudad nin Naga
Sabi sa sumbong kan saro sa sainda, poco mas o menos alas 10:30 nin banggui kan masumpungan ninda sa gilid kan tinampo si Efren Bedvero, taga Cagbunga, Pamplona, na nakaturohok sainda an mga mata.

Plano kan mga babae na mag-ibitar na makasabatan an lalaki, kaya nag-iwas sinda sa lugar na kinakamugtakan kan lalaki, na padagos nagdadaguso sa sainda.

Mantang parani sainda si Bedvero, nagkakapot ini sa saiyang atubangan, asin nag-aansyas na garong gustong mag-ihi sa atubangan kan saindang agihan.

Alagad, en vez na mag-ihi, pinaluwas kaini an saiyang ikinabuhay asin ipinapaheling sa apat na daraga, na iyong ikinatakot kan mga victima.

Por medio kan tabang kan sarong barangay tanod na nagroronda sa lugar, dinakop an lalaki asin pig-imbestigaran sa hepatura kan pulis, digdi.

Mantang pig-iimbestigaran, narisa kan mga imbestigador na garo may dikit na diferencia si systema kan pagsimbag kan lalaki sa mga kahapotan kun tano ta gusto niyang ipaheling an saiyang ikinabuhay.

An siring na pangyayari iyo si pigbasehan kan mga awtoridad na i-record sa blotter kan pulis an casong Alarms and Scandal na posibleng nakomitir kan suspechado.

Sabi kan imbestigador, an ginibo kan suspechado na pagbastos kan mga daraga igwa nin magkakanigong kastigo sa ley, kaya siya dapat panimbagon kan kasalan.

An pagtubod kan mga awtoridad iyo na si Bedvero saro suboot na “exhibitionist” na gustong gayo ipaheling an saiyang pagkalalaki sa ibang mga tawo, orog na sa mga babae.—Report ni Boyet Paderes BICOLSTANDARD.COM
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...