Sunday, June 21, 2015

Nagbakal tinapay, binadil

SORSOGON CITY—Nagbabakal sanang tinapay sa sarong convenience store an 29 anyos na si Rolly Dieza Gavarra, alias "Kata" kan badilon ini kan duwang lalaki.

Tinamaan an victima sa payo asin nagadan.

Tulos man na nagdulag sa dai pa maaraman na direksyon an duwang lalaki na dai pa nabibisto.

Segun sa Sorsogon Provincial Police Office, duwang baseyo nin kalibre .45ng pistola an nakua sa tindahan kun sain binadil an victima.

Pig-aaram pa sa ngonian an pwedeng nagtulod sa mga suspechado na gibuhon an krimen.

Nangyari an incidente alas 3:25 nin hapon kan fecha 18 sa Barangay Culasi, Matnog.

An victima dinara sa Funeral Homes Matnog para sa autopsia.—BICOLSTANDARD.COM
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...