Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, June 3, 2015

Misis 27ng beses sinaksak kan agom huli sa selos

LAGONOY, Camarines Sur—Nasa poder kan pulis an sarong 24 anyos na lalaki na iyong naggadan kan saiyang agom, sabi sa imbestigasyon.

BICOLSTANDARD.COM
Si Alvin Delfino y Saboco, residente kan Zone 2, sa Barangay San Ramon, sa banwaan na ini, 27 beses na sinaksak an saiyang esposa na nabistong si Connie Alis-Delfino, 22 anyos an edad.

Malinaw sa tiniripon na informasyon kan nimbestigador na labing sarong semana nang dae nagkakaintindihan an mag-agom na nagresulta sa grabeng iwal.

An katapusan, iyo an paggadan sa victima.

Sabi kan mga pulis, nagboyboy an suspechado na nagibo niya an krimen huli kan makuring pag-imon sa saiyang esposa.

Base sa autopsy report, nagkapirang tama kan lancetas na ginamit sa paggadan kan victima sa sinasabing mortal na lugar na pwedeng nagcausa nin kagadanan.

Afuera kan mga lugad sa saiyang lawas, igwa pa nin las-las sa liog kan victima na pwedeng iyo an piggikanan kan dugo na garong hale sa makusog na burabod.

Hasta kan oras na sinusurat an baretang ini, yaon pa sa custodia kan pulis an suspechado, mantang hinahalat an pag sangat nin caso contra saiya.

Nagsayumang magtaram an suspechado mientras na naghohorophorop kan nangyari sa sainda.



An mag-agom na si Alvin asin Connie mayo pa nin aki.—Report ni Oscar Esmenda, BICOLSTANDARD.COM Pirming enot. Pirming bago.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...