Friday, June 19, 2015

Lalaki binadil, hinabonan P150,000, Fortuner na awto linalay pa

SAN FERNANDO, Camarines Sur—Pwedeng biktima nin “budol-budol” an sarong lalaki na nakuang gadan sa Barangay Tagpocol sa banwaan na ini.

Bara nin bulawan
Retrato hale sa Pixabay
An victima iyo si Alex de los Reyes y Banal, 50 anyos, may-agom, taga No. 8 Birds Paradise St. Hansuyin Villages, Talon 4, Las Pinas City.

Sarong miembro kan familia ni de los Reyes an nagpahayag sa imbestigador na nagviaje an saindang magurang kan sarong aldaw pasiring digdi para makipaghelingan sa saiyang kaolay sa telephono dapit sa ipinapabakal na mga bara nin bulawan.

Nakalunad sa Fortuner na awto, sabi kan informante may darang kantidad P150,000 an victima na ibabayad sa suboot bara nin bulawan.

Alagad, mayo nin makapagsabi kun anong nangyari sa transaksyon ta nakua na sanang gadan an victima.

Ipinahayag kan mga nagsiyasat kan krimen na si de los Reyes nakua sa Zone 3, sa Barangay Tagpocol, na nakadapa.

Naheling kan mga nagrespondeng awtoridad na pugol pa niya an bag na piglaogan kan cuarta, alagad mayo na an cash.

An victima may tama nin bala hale sa dae pa madeterminaran na calibre nin badil.

Base sa sumada kan mga informasyon, dakula an posibilidad na napatubod an victima kan saiyang kaoloay na makakabakal siya nin bara nin bulawan sa baratong kantidad na P150,000.

An aram kan saiyang familia iyo na an enot na pig- ofrecir na presyo kan bara nin bulawan, P200,000.

Pero, natawadan suboot ini sa kantidad na P150,000.00.

Mientrastanto, kan madiskubre an bangkay kan victima mayo na si laog kan saiyang bag na cuarta asin nawawara an awtong Fortuner na piglunadan.



Hasta ngonian nagpapadagos an follow-up investigation kan mga miembros kan pulis digdi.—BICOLSTANDARD.COM Report ni Oscar Esmenda
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...