Monday, June 1, 2015

Karambola nin 3ng vehiculo sa San Fernando, saro an irido

SAN FERNANDO, CSur – Nagpapaomay pa sa NICC Hospital sa Naga City si Ramil Arenas y Napay, 41 anyos pagkatapos na ma-aksidente an saindang pig lulunadan na awto sa Barangay Pamukid, sa banwaan na ini.

Susug sa imbestigasyon kan pulis an aksidente nangyari poco mas o menos alas 6:15 nin aga, sa Zone 1 kan Barangay Pamukid, kan an Mitsubishi L300 Van na may Plate No. ATA 9592 na pig mamaneho kan victima makabangaan an Silver Star Bus na may Plate No. TYS 902 na pig mamaneho ni Virgilio Onate y Nabilla.

Huli kan sinambit na incidente, an Mitsubishi L300 nagpadagos na mag darosdos asin binudalan pa an Foton Passenger Van na may Plate No. AXA 2146 na pig mamaneho ni John Marie Lumdang y Galera.

Si mga nakaheling kan pangyayari nagsabi na nagpoon an aksidente kan kakanon kan Mitsubishi L300 an linya kan kasabatan na Silver Star bus na pasiring sa direksyon kan Manila.

Makusog si naging impact kan magkasuagan an Silver Star Bus asin an Mitsibishi L300 na pasiring sa direksyon kan Naga City.

Mientrastanto, afuera ki Arenas na may mga rungas asin pig bubulong ngonian sa NICC Hospital mayo na man nin ibang nagkaigwa nin lugad o nakulugan hale sa mga nakabangaan na mga vehiculo.

Nagluluwas sa imbestigasyon na papuli na sa banwan kan Magarao, Camarines Sur si Arenas hale sa sarong derby sa Lucena City.

An sabi, igwa pang mga kargang mga pambulang na manok sa Mitsibishi L300 na huli sa aksidente nagkawarara pa sa pinangyarihan na lugar. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...