For immediate hiring

For immediate hiring

Friday, June 5, 2015

Engr. pighostage kan CAFGU sa Baao

BAAO, Camarines Sur–Sarong miembro kan Citizen Armed Force Geographical Unit (CAFGU) an nang hostage ngonian na aga sa banwaan na ini.


Map via Wikimedia commons Mike Gonzalez The Coffee

Nangyari an incidente poco mas o menos alas 7:00 nin aga, sa Barangay San Isidro.

Sa intrevista ki PSI Elizon Dy-kok, an hepe kan pulis digdi, sinabi niya na an victima iyo si Engineer Jose Clidoro y Briones, 64 anyos, residente kan sinambit na barangay.

An suspechado nabisto sa pangaran na Jeomar Kilario.

Basado sa ginibong pagsiyasat kan mga awtoridad, hinostage kan suspechado si Clidoro para makaibitar siya sa mga armadong tao na naglalamag suboot saiya.

An suspechado ilinaog an victima sa saindang kasilyasan kaya nadifisilan si mga nagnenegosyar na pasukoon siya.

Durante kan ginigibo an negosasyon sa pagpasuko kan suspechado, hinagad kaini an tabang kan saiyang team leader sa CAFGU na makaolay.

Marikas si naging pagresponde kan mga nanunungdan kaya pirang minutos sana natapos na an hostage drama.

An suspechado yaon ngonian sa poder kan pulis sa banwaan na ini.

Mientrastanto, ipinahayag ni PSI Dy-kok na sa saiyang obserbasyon, garong may problema sa saiyang pag-iisip an suspechado.

Pigbase niya an saiyang pahayag sa mga declarasyon kan suspechado, mantang kinakaolay kan mga awtoridad na nag gibo kan imbestigasyon.

Sa enot na parte kan negosasyon para magsuko an suspect, nagsayuma ini ta nagluluwas na igwa siyang natatakotan na suboot grupo nin mga armadong lalaki, na mayo man nin naheling an mga residentes kan barangay.

Makalipas sana an dikit na panahon kan negosasyon naglumoy man tulos an saiyang desisyon na magsuko sa mga awtoridad.

Kan hapoton an suspechado kun igwa siyang armas na badil, tulos siyang nagpahimutik.

Alagad an saiyang hostage victim na si Engr. Clidoro nagsabi na igwang itinutok saiyang calibre .30 na badil an suspechado.–Report ni Oscar Esmenda. (BICOLSTANDARD.COM) Pirmeng enot. Pirmeng bago.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...