For immediate hiring

For immediate hiring

Monday, June 1, 2015

CSur VGov Peña, pwedeng kastigohon Indirect Contempt

PILI, Camarines Sur—Alas 2:00 sa agang hapon, fecha 2 kan Junio, dadangogon kan Commission on Elections (Comelec) en banc an mosyon ni Atty. Ariel Abonal na naghahagad na kastigohon si Vice Gobernador Fortunato "Ato" Peña sa casong Indirect Contempt.

Camarines Sur V\ice Governor Peña, pwedeng kastigohon Indirect Contempt
Si Abonal iyo si pigdeclarar kan Comelec na saro sa duwang bokal na nanggana sa election kan 2013.

Nangyari an siring na bagay kan cancelaron kan poll body an Certificate of Candidacy ni Romulo O. Hernandez, sa rason na nagbalga siya kan pig aapod na three term limit rule.

Enot kaini, sa petisyon ni Abonal, si Peña sinusugong magpaliwanag sa laog nin limang aldaw pagkarecibe kan Order kan Comelec, kun tano ta siya dae dapat na kastigohon kan pinaka magabat na silot, sa pag olog-olog asin dae pagsunod kan pagboot kan ahensya kan gobierno.

Kun dae ma combensir an Comelec kan saiyang paliwanag, kakastigohon siya nin Indirect Comtempt.

An sinambit na kastigo may katoyohan na dae na pangarogan kan sisay pa man, an naging gawi asin desisyon ni Peña.

An Comelec nagpaguiromdom sa Vice Gobernador na sinda sana an ahensiya kan gobierno na may poder asin awtoridad kan mga bagay dapit sa election.

Magigiromduman na si Peña, pinadarahan na kan gabos na mga papeles hale sa Commission on Elections na nagsasabi na si Abonal iyo an tunay na elihidong board member kan ika duwang distrito kan Camarines Sur.

Alagad pigtuyo niya asin habong honrahon an nasambit na desisyon.

An kasuguan ki Peña ipinaisi saiya por medio kan kapareyong Order na ipinadara sa Regional Election Director kan Comelec sa Bicol.

An Comelec Regional Director sa Region V pigmandahan kan Comelec (En Banc) na paisihon an vice gobernador kan siring na Order.

An hearing sa agang hapon gigibohon sa Comelec Session Hall, sa Intramuros, Manila. –BICOLSTANDARD.COM Pirmeng enot. Pirmeng bago.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...