Comelec Cam Sur, nagpagiromdom sa mga dae pa nin biometrics

CIUDAD NIN NAGA—Nagpagiromdom si Commission on Elections (Comelec) Camarines Sur spokesperson Alex Marpuri na an mga dai nin biometrics, dai makakaboto sa maabot na pirilian.

Comelec Camarines Sur spokesperson Alex Marpuri
“Dai po makakaboto an sarong botante maski dai siya nagfafaltar magboto sa mga nakaaging eleksyon kun mayo sinda nin biometrics o dai pa naretrato kan Comelec,” sabi ni Marpuri.

Ini an rason suboot kun tano padagos an saindang pagconducir nin satellite registration sa mga barangay tanganing iencaminar an mga dai pa nin biometrics na magparehistro na.

Nanotaran kaya ninda na mas dakula an pinag-aapod na registration turnout pag sinda mismo an minadulok sa mga tawo, en vez na pag naghahalat sana sinda sa saindang oficina.

Segun ki Marpuri, an satellite registration sa mga barangay madurar hanggang sa bulan nin Julio, mantang an registration sa oficina hanggang na sana sa fecha 31 kan Octubre.

Dinagdag pa kan spokesperson na dai ngani maabot nin 5 minutos an proseso kan pagparehistro ngonian. Kabali na digdi an pagkua nin retrato asin fingerprint.

Alagad, kun mahalat pa an botante sa Octubre, pwedeng abuton nin 5 oras hanggang sa sarong aldaw an proseso.—Report ni Oscar Esmenda/BICOLSTANDARD.COM

Start typing and press Enter to search