Monday, June 22, 2015

Rigaton nin shabu sa Caramoran, dakop

CARAMORAN, Catanduanes – Pinusasan kan mga pulis si Owen Bongat y Castilla, may agom, residente kan Barangay Bothoan, na suspechadong saro sa mga paratinda kan pig papangalad na droga na shabu digdi.
Shabu sa Catanduanes
Shabu sa Catanduanes
Retrato hale sa Oplan Droga
An mga awtoridad na pinamayohan ni PO1 Thompkin Quintana iyo si naglansar kan buy-bust operation kontra sa suspechado na nagresulta saiyang pagkadakop.

Sabi kan mga imbestigador, haloy nang pigmamasidan ninda an mga aktibidades ni Bongat sa pagpabakal nin shabu.

Alagad mayo sinda nin pusog na nakukuang evidencia na positibong mapatunay na siya talaga an mayor na supplier kan ipigbabawal na droga.

Durante kan buy-bust operation nakua sa poder kan suspechado an puti na pulbos na pigtutubodan na shabu. Nakabugtak ini sa plastic sachet kan iduhol ni Bongat sa nagsagin-sagin na mabakal na pulis.

Afuera kan shabu, an iba pang nakuang gamit ki Bongat iyo an cash na P1,000 na ginamit kan sagin-sagin na parabakal, asin sarong lighter.

An suspechado sasangatan nin casong pagbalga sa Republic Act 9165, o mas bistado sa apod na Comprehesive Dangerous Drugs Act of 2002.

Mientrastanto, ipinahayag kan PNP digdi na orog pa nindang papaisogon an operasyon contra sa ilegal na druga, pagkatapos na marecibe nin dagmang pang mga informasyon na pwedeng makaguiya sainda sa mga masunod na mga operasyon.

An provincia kan Catanduanes saro sa mga lugar sa Bicol kun sain nanotaran an makusog na negosyo sa ipigbabawal na bulong, segun sa obserbasyon mismo kan mga atoridad.—BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...