Ama nagpatiwakal, kaiba an saiyang 2ng menor de edad na aki

BUHI, Camarines Sur—Pwedeng nagsusufrir nin depression o may magabat na problema sa buhay an sarong padre de familia na taga Barangay Cabatuan sa banwaan na ini na nagpatiwakal sa paagui nin paglampaw sa danao, kaibahan an saiyang duwang saradit pang mga aki.

Buhi, Camarines Sur
Map via Wikimedia Commons (Mike Gonzalez The Coffee)
Sa intrervista ngonian na aga ki PCI Raul Bolivar, an hefe kan pulis sa banwaan na ini, saiyang pig confirmar na binawian nin buhay si Jessie Oliveros, nasa mayor de edad huli kan nasambit na pangyayari.

An sabi ni Bolivar, an duwang aki ni Oliveros iniba pa kuta niya sa pagpatiwakal, alagad naagapan kan mga tawo asin ngonian pigbubulong sa Lourdes Hospital sa Ciudad kan Iriga.

An victima naggakod nin lubid sa saiyang lawas kairiba an saiyang duwang mga menor de edad na aki na dae na pigpasambit an mga pangaran ta mga menor de edad, kan siya magdesisyon na tapuson na an saiyang buhay.

Piggigibo pa ngonian kan mga awtoridad an imbestigasyon.

Alagad may pagtubod an mga imbestigador na mayo nin posibilidad na igwang ibang tawo na imbuelto digdi asin pighahale ninda an suspecha na may foul play sa incidente. (Report ni Oscar Esmenda.) BICOLSTANDARD.COM) Pirmeng enot. Pirmeng bago.

Start typing and press Enter to search