Wednesday, June 17, 2015

50ng estudiante idinalagan sa hospital sa Daet

BASUD, Camarines Norte—Dae makulang sa 50ng mga elementary pupils an dinara sa hospital huli sa nasingot na nakakahilong parong sa San Felipe Elementary School, sa San Felipe, sa banwaan na ini.

Photo via Pixabay
An mga afectadong kaakian hale sa manlaenlaen na grado, kaibahan an saindang mga teachers.
Sabi kan mga miembos kan pulis na nag-imbestigar, an kadaklan sa mga eskwela nagsuka, naribong an pagmate asin nagkulog an tulak, kaya sinda idinalagan sa Camarines Norte Provincial Hospital.

Mantang sinusurat an baretang ini, 6 na mga eskwela an nakaconfine sa hospital alagad si iba pig-oobserbaran pa kan mga doctor.

An incidente nangyari kasubagong alas 10 nin aga.

Pig-iisi pa kun saen nag-guikan an nakakaribong asin nakakalula na parong na nag-alimyo sa laog kan laguerta kan sinambit na elementary school.—BICOLSTANDARD.COM

Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...