Sunday, May 31, 2015

School principal, nadakopan nin paltik na badil

PILAR, Sorsogon –Pwedeng maribaraw sa pag atendir kan saiyang clase an sarong maestro sa San Antonio Elementary School sa banwaan na ini kan madakopan nin badil kan mga awtoridad na mayo nin licensia asin awtorisasyon na magsubit kan nasambit na armas.

Si Neptalie Marmol, maestro sa sinambit na eskwelahan maatubang nin casong Illegal Possession of Firearms and Ammunition, na isasangat kan mga miembros kan Philippine National Police (PNP).

An suspechado taga Barangay Marifosque sa banwaan na ini.

Siya iyo an principal kan San Antonio Elementary School.

Nagluluwas sa report kan pulis na si Marmol nadakop sa sarong irinoman sa residencia ni Antonio Mestiola na taga Barangay San Antonio, digdi.

Sarong residente kan sinambit na lugar an nag-osip sa pulis na naheling ninda an suspechado na igwang nagbubukol sa parte sa saiyang iksan, na kan reparohon kan mga nag-imbistigar, nadiscubreng dae licenciadong badil na cargado nin bala.

An suspechado sasangatan nin caso sa oficina kan Procurador sa Provincia kan Sorsogon. —BICOLSTANDARD.COM Pirming enot. Pirming bago.

Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...