Sunday, May 31, 2015

Paradukot sa Naga, dakop kan seyku

NAGA CITY – Makusog an boot kan victima na nakipagtabangan sa sarong security guard para madakop an para dukot na nag ooperar sa tungod kan Master’s Square Department Store, sa Barangay Abella, digdi.

Base sa imbestigasyon kan pulis, sarong taga Sitio Baras, Malitbog, Minalabac, Camarines Sur na nagpabistong si Junior Sola y Punto, 21 anyos, soltero naging victima kan suspechadong si Wilson Asico y Gasis, na taga Gogon, Camaligan, Camarines Sur.

Sa pahayag ni Sola, suboot siya naglalakaw sa man tungod na kan Master’s Square Department Store kan marisa niyang linaslas na si saiyang darang sling bag na may laog na cellphone.

Tulos niyang pig reparo an laog kan saiyang bag asin naheling na marikas na padulag si nagbundol saiyang lalaki, kan matorohokan kan saiyang mata.

Huli kan siring na sitwasyon marikas na nag agap saiya an security guard na an pangaran Jacutina na miembro kan Spearhead Security Agency asin si PO1 Aquinaldo, kan PNP Naga.
Narecover ninda si dinukot na TM Nokia 360, na nasa color itom asin brown na jelly case, na sadire ni Sola.

An cellphone, sabi kan victima may kantidad nin P8,300.00.

Durante kan imbestigasyon positibong itinukdo ni Sola sa mga awtoridad an suspehasong si Asico na iyo si nagpaparasunod saiya, antes niyang maaraman na dinukot na palan si saiyang gamit.

Si Asico sasangtan nin caso sa oficina kan Procurador kan Ciudad nin Naga. (BICOLSTANDARD.COM)
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...