Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, May 13, 2015

Parasira tinadtad nin bala sa Masbate

MASBATE CITY—Binadil, gadan an sarong 45 anyos na parasira na taga Barangay Tugbo digdi.

Nabisto an victima na iyo si Joseph Bello y Catalan, 45 anyos.

An suspechado iyo si Emilio Francisco y Rodrigo, 44 anyos, may agom, carpentero, taga Barangay Balocawe, Dimasalang, Masbate.

Segun sa pagsiyasat kan mga pulis, an victimang si Bello yaon sa luwas kan saindang harong kan mag-atraka an suspechado.

Pag-abot tulos sa tungod kan harong kan victima, an suspechadong si Francisco nagbunot kan saiyang sukbit na calibre .357 na magnum revolver, dangan sunud-sunod na pinaputokan sa saiyang lawas an victima.

Huli sa mortal na tama kan mga bala, nagadan tulos si Bello.

Pagkapos kan krimen, an suspechado marikas na nagdulag.

Alagad, dae nahaloy naarestar siya kan mga nag respondeng awtoridad, hale sa Dimasalang Municipal Police Station.

Nadakop an suspechado na dara pa an saiyang revolver na may 3ng buhay na bala.

Mientrastanto, an bangkay kan victima dinara sa Rural Health Unit kan Dimasalang para sa gigibohon na autopsia.

An suspechado yaon ngonian sa poder kan Dimasalang MPS, mantang pigpepreparar an caso na isasangat sa saiya.

An rason kun tano ta ginadan kan suspechado an victima dae nasambit sa ginibong imbestigasyon. —BICOLSTANDARD.COM Pirming enot. Pirming bago.
Share:

Featured Post

Drug lab query continues

Committee on Dangerous Drugs points to more inconsistencies VIRAC, Catanduanes 2/27/17 (Bicol Standard)—The House Committee on Dange...