Monday, May 25, 2015

Kap. Ingo Briones: pulitika an rason kan pagbadil sako

CIUDAD NIN NAGA— Pigconfirmar na ni Domingo “Ingo” Briones an saiyang bilog na pagtubod na pulitika an rason kan pagbadil saiya kan nakaaging Marso sa sarong baraylehan sa Tambo Elementary School Grand Auditorium sa banwaan kan Pamplona, Camarines Sur.

Ingo Briones
“Mayo man akong kaiwal, mayo man akong naagrabyado,” segun sa dating ex-officio member kan Sangguniang Panlalawigan kan Camarines Sur.

Sa entrevista kan Radyo BBS-DWLV, pig-estorya kaini na kan nakaagi pa sanang eleksyon, igwa nang naresibing huma sa saiyang buhay an saindang grupo.

Mismong an nagpabistong gunman kaidto an nagrani saiya asin nagtuga kan plano.

Sabi ni Briones, garo nakonsensya an nasambit na persona ta kaibanan kan saindang grupo an pinsan kaini.

Dai niya pinangaranan an dating nagpabistong gunman, o kun sisay an nagsugo saiya.

Alagad, dakula an posibilidad na arog kadto, mga kalaban man giraray sa pulitika an nasa likod kan pangyayari.

Mientrastanto, nagpasalamat an punong barangay sa Diyos sa itinao saiyang ikaduwang oportunidad tanganing magsirbe sa banwaan.

Siya dati nang nagtukaw bilang ABC President, Provincial Federation President, asin ngonian, barangay kapitan kan Tambo, Pamplona. Sa presente, miembro siya kan Partido Liberal.—BICOLSTANDARD.COM
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...