Wednesday, May 13, 2015

IRIWAL BURAT | 1 irido sa pansaksak sa Bombon

BOMBON, Camarines Sur—Nagpapaomay pa sa Bicol Medical Center si Rodolfo Quilao y Moreno, 64 anyos na residente kan Barangay San Antonio sa banwaan na ini, na sinaksak nin nagkapirang beses bunga kan iriwal kan mga naka-inom nin alak.

An victima suboot pinasakan nin nagkapirang saksak sa manlaen-laen na parte kan saiyang hawak kan suspechadong si Jesus Salva alyas Isong, mayor de edad, may agom, asin nag-eerok sa kapareyong barangay kan victima.

An suspechado nagdulag pagkatapos kan krimen.

Sabi sa imbestigasyon, si Quilao asin Salva pareyong burat kan mangyari an burolyada, poco mas o menos alas-3 nin hapon.

An victima, papuli na sa saiyang harong kan siya bansokan nin pirang saksak sa saiyang hawak.

Tulos dinara an victima sa Bicol Medical Center tanganing bulungon.

Pinahayag kan mga imbestigador na an pigguikanan kan iwal ninda Quilao asin Salva an haloy nang dae pagkaintindihan.

Hasta sa presente dae pa nin informasyon an mga pulis kun saen nagdulag an suspechado.

Pighahanda na an caso na isasangat contra ki Salva.

Si SPO4 Rodolfo V. Ramos, Jr., iyo an imbestigador kan casong ini. —BICOLSTANDARD.COM Pirming enot. Pirming bago.

Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...