Friday, May 15, 2015

Ina, nagkaaki sa traffic; omboy gadan

MINALABAC, Camarines Sur—Binawian nin buhay an sarong omboy na namundag sa tahaw kan dae naghihirong traffic sa Manapao, sa banwaan na ini kasubanggui.

Traffic dahil sa pagsarado kan San Jose Bridge
Kua ni Oscar Esmenda/BICOL STANDARD
Sa spot report kan PNP Minalabac, naaraman kan BICOLSTANDARD.COM na mayong naginibo an bados na magurang na hale sa Visayas na madara sa pinakaharaning hospital, ta sulat na entero an tinampo, huli sa gabat kan traffic sa sinambit na lugar.

Sa entrevista ngonian na amay na aga, sinabi kan sarong pulis na nagprobar man kuta an mga kairiba sa bus na idalagan sa hospital an magurang kan makamati nin aki-on, alagad dae kaya kan arin man na vehiculo na makaluwas sa gurobot nang enterong traffic.

Dae maka abante, dae man maka atras ta mayong aagihan. Pano nin vehiculo.

Sabi pa sa informasyon, mag-agang nagpuka an mga awtoridad sa pagmanehar sa halawigon na linya nin mga awto na pinaagi sa Minalabac poon pa kasoodma.

Maroromdoman na poon fecha 14 kan Mayo, sarado an San Jose Bridge sa mga vehiculo, ta piggigibo an tulay.

An dakulang problema ta mayong disiplina an mga drivers, asin kulang an nagmamanehar kan traffic.
Mismong an mga pulis an nagsabi na dae inadalan na maray kan Department of Public Works and Highways (DPWH) an ka-aabtan kan problema sa traffic, na sasapoon sagkod pa katapusan kan bulan na presente.

Sa oras na sinusurat an baretang ini, an ina kan aki binubulong pa sa Bicol Medical Center.—BICOLSTANDARD.COM
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...