Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Sunday, May 31, 2015

Gurang, sinalakat, ginadan sa Tabaco City

TABACO CITY—Nagtitipon pa nin mga evidencia an mga pulis digdi para madakop an suspechado sa pagsalakat asin pag gadan ki Josefina Enriqueta Bon y Kare, 60 anyos na residente kan Barangay Pawa, digdi.

An victima sinaksak nin nagkaperang beses sa saiyang lawas kan dae na midbid na nagsakat kan saiyang harong, sa pag oltanan kan alas 12:00 nin matanga hasta alas 4: nin mag omagahon kan sarong aldaw.

Si Bon dinara pa man kuta kan saiyang katabang na si Regina Rodriguez, menor de edad sa Ziga Memorial District Hospital para ipabulong.

Huli sa grabeng mga mortal na tama kan lancetas sa saiyang lawas ipig balyo an victima sa Bicol Regional BRTTH, sa Legazpi City.

Alagad pag abot sa hospital kan victima , sinabi kan doctor na mayo na siya nin buhay.

An para salakat nag agi sa likod kan harong kan victima, sa paagui kan pagraot kan sadit na bintana sa gibo sa kawayan.

Kan nasa laog na kan harong pwedeng napagmata an victima asin nakilaban ini sa parahabas.

Nawara sa pagsasadire ni Bon an sarong unit nin laptop, cellphone, titulo nin daga, asin dae madeterminaran na kantidad nin cuarta.

An krimen namangnohan kan katabang na si Regina Rodriguez poco mas o menos alas 5:30 na nin aga.
Mientrastanto, hastang sa oras na sinusurat an baretang ini mayong malinaw na informasyon kun sisay an responsible sa nangyaring pang gadan asin pagsalakat kan victima.

Pig rerepaso kan mga imbestigador an mga napupugolan nindang mga evidencia asin naghahanap pa nin testigo na makakapakusog kan caso contra sa responsible sa krimen. (BICOLSTANDARD.COM)
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...