Gold trader sa Cam Norte binadil kan 10ng lalaki

JOSE PANGANIBAN, CNorte—Sampulong armadong mga lalaki na nakasulot nin camouflage uniforms an nagbadil kan sarong gold trader o nagbabakal nin bulawan sa banwaan na ini kasoodma.

Nagadan on the spot si Ronnie Habitan, na binadil poco mas o menos alas 9:10 nin aga, pakatapos na laogon kan mga armadong lalaki an saindang harong.

Antes siyang binadil, dinisarmaran ngona kan mga armadong lalaki nin mga service firearms an 4 na mga personahes kan pulis digdi.

Sa enot na pagsiyasat nagluluwas na si Habitan nagadan sa tama nin bala sa manlaenlaen na parte kan saiyang lawas, asin saro pang bala an naglagbas sa saiyang payo.

An victima pig coconsiderar na pinakamayaman na parabakal nin bulawan sa Camarines Norte.—BICOLSTANDARD.COM

Start typing and press Enter to search