Tuesday, May 26, 2015

Empleado kan LGU Sto. Domingo, gadan sa aksidente

STO. DOMINGO, Albay—Huli sa grabeng aksidente na nangyari, haros dae na mabisto an pandok kan victima na nakahurok sa irarom kan truck asin nadatogan pa an saiyang lawas.

Si Kristel Balino, empleado sa accounting office kan banwaan na ini, an daeng swerteng binawian tulos nin buhay sa lugar na pinangyarihan kan incidente.

Susug sa natipon na mga informasyon hale sa police, si Balino nagmamaneho kan saiyang motorsiklo kan aksidenteng mahapit kan truck na hale sa Quezon City sa curbadang parte kan tinampo.

An driver kan truck nabisto sa pangarang Christopher.

Mientrastanto, naaraman sa pag-imbestigar kan pangyayari na kan matamaan an motorsiklo na pigmamaneho kan victima, nakahurok pa ini sa irarom na parte kan truck kaya haros marunot an parte kan lawas ni Balino.

Inagapan pa man kuta siya asin dinara sa hospital.

Alagad, pigdeclarar kan mga doctor na mayo na siya nin buhay.

An suspechado nasa poder kan mga awtoridad asin pig pepreparar na an caso na isasangat contra sa driver.—BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...