Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Sunday, May 31, 2015

Dump truck nin contractor sinulo

TINAMBAC, CSur –Sinulo kan duwang dae bistadong lalaki na pig tutubodan na miembro kan mga rebelde an sarong dump truck na sadire ni Engineer Abner Ferrer kan Partido Construction.

An incidente nangyari poco mas o menos alas 4: 00 nin aga, kan sarong aldaw.

Base sa ginibong pagsiyasat an duwang lalaki na armado nin dae madeterminaran na kalibre nin badil iyo an nagsulo kan dump truck.

Anteskan pag sulo kan vehiculo an duwang lalaki pinukawan ngona si Alex (dae bisto an apelyedo), na iyo an back hoe operator, na kan sinambit na pahayon duman nagturog sa tukawan kan driver kan truck.

Sa declarasyon ni Alex, sinabihan siya kan saro sa duwang lalaki na dae kaya nag-susunod sinda sa obligasyon.

Mientrastanto, pag hilig pa sana ni Alex sa truck, derecho nang sinubsuban kan mga lalaki an payo kan dump truck na may plate number XGJ 367.

An dae aram ni Alex na antes palan siyang pinababa sa awto binuboan na ngona nin gasolina payo kan vehiculo, kaya marikas na nagkanayap si kalayo sagkod nang matuprod an dump truck.

Pirang minutos sana an nakalihis, an duwang suspechado nagsangkay na sa saindang mga motorsiklo parayo sa pinangyari kan krimen.

An mga pulis na nag iimbestigar kan casong ini iyo si SPO1 Jaime V. Robles, kan Tinambac Police Station.

May pagtubod an mga awtoridad na pirang beses nang hinahagadan an construction company nin revolutional tax, alagad dae sinda nakapreparar.

An patrabaho ginigibo sa Milla 11, sa Barangay Sagrada, sa banwaan na ini.

Hastang sa panahon na sinusurat an baretang ini mayo pa nin bagong informasyon na pwedeng maging dalan sa pagkakadakop kan mga responsible sa krimen. (BICOLSTANDARD.COM) Pirmeng enot. Pirmeng bago. 
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...