Wednesday, May 13, 2015

Motorsiklo hinabon sa Daraga

STO. DOMINGO, Albay – Pinatanidan liwat kan mga awtoridad an may mga sadire nin motorsiklo na pasegurohon an saindang mga vehiculo huli sa nauusong harabasan kan lunadan na ini.

An pinakabagong victima kan mga parahabas nin motorsiklo iyo si Al Besmonte y Banico, 23 anyos, soltero, taga Centro Alimsog, sa banwaan na ini.

Nanotaran kan mga pulis na an pinakapaboritong habason na motorsiklo iyo an Honda 125, ta iyo an madaling ipabakal na modelo.

Sa insidenteng nangyari digdi, segun sa imbestigador, pulang Honda RS 125 an hinabas sa victimang si Belmonte.

An sinambit na vehiculo iwinalat sa sarong lugar na mayong bantay, kaya bwelo si parahabas na kuahon an vehiculo.

Ipigreport ni Banico na an saiyang nawarang motorsiklo may plate number EA 42926, chassis number KPG01049826, asin engine number KPG01E049868.

Ngonian sanang bulan, nagkapira nang mga arog kaining vehiculo an ipigreport sa hepatura kan pulis na hinabon.

May pagduda an mga imbestigador na an mga parahabas igwa nin mga kasapakat sa ibang lugar, ta an mga hinabasan sa sarong provincia, ipinapabakal sa ibang lugar.

An iba, sabi ninda pwedeng kinakalas an mga piesa, asin ipinapabakal sa mga tindahan.

An pulis nag lansar na ngonian nin mahiwas na kampanya sa pagsiasat kan arog kaining problema huli kan dakul nang mga motorsiklo an nawawara ngonian.—BICOLSTANDARD.COM Pirming enot. Pirming bago.

Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...