Tuesday, May 26, 2015

Contempt charge vs. Vice Gov Peña, et al. dadangogon sa Julio 2

Camarines Sur Board Member Ariel Abonal
MANILA—Itinalaan sa fecha 2 kan bulan na Junio, 2015, alas-2 nin hapon an pagdangog kan petition ni Atty. Ariel Abonal, na naghohorot na kastigohon nin contempt si Vice Gobernador Fortunato Peña asin mga miembros kan Junta Provincial kan Camarines Sur.

Si Peña asin an nasambit na mga miembros padagos na nagsasayuma na respetaran an orden kan Commission on Election (COMELEC) na si Abonal iyo an tunay na elihidong Board Member kan ikaduwang distrito kan Camarines Sur.

Si Abonal nagpresentar na kan gabos niyang mga documento sa Sangguniang Panlalawigan asin nagsumpa na sa pwesto bilang Board Member kan ikaduwang distrito.

Alagad, sa gabos na panahon na nagprobar siyang mag-okupar kan saiyang tukawan, siya sinasayumahan na tawan nin reconocimiento kan Junta Provincial.

Kan nakaaging apat na semana, pagkatapos nin pirang beses na pagprobar na maglaog sa session kan Sangguniang Panlalawigan, si Abonal sinayumahan asin padagos na sinsayumanan na patukawon, para irepresentar an saiyang mga constituentes sa distrito.

Maroromdoman na si Abonal iyo an pigdeclarar na nanggana sa election kan 2013 sa cargong Board Member kan segundo distrito, pagkatapos na cancelaron an Certificate of Candidacy ni Romulo O. Hernandez sa rason na dae na siya calificado na mag-reelection.

Si Hernandez binayaan na ngani an saiyang pwesto kan marecibe an final na desisyon kan Commission on Elections.

Alagad, pagkalihis nin pirang semana nagplantear man guiraray nin Petition for Certiorari sa Supreme Court, na nagkukwestyon kan final na desisyon kan COMELEC.



Huli kan siring na mga pangyayari, si Abonal dae pa guiraray tinatawan nin bwelo na makarepresentar kan saiyang districto sa provincia. —BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...