Thursday, May 14, 2015

CAFGU piglikidar sa Cam Sur

CIUDAD NIN NAGA—Alas siyete kuwarenta y otso nin aga kasuodmang aldaw na Domingo kan pagbabadilon-gadan ang Citizen Armed Force Geographical Unit (CAFGU) na si Arlan Madrilejos y Mides, 43 anyos, soltero kan barangay Ilawod, Ragay, Camarines Sur asin nakadestino sa 22nd Infantry Batallion na yaon sa Barangay Casay, Lupi, Camarines Sur.

Sa report kan Lupi Police, apat na suspechado ang nag-abang sa biktima sa may Rabino Store sa Del Pilar St., Barangay Casay kan nasabing banwaan asin tolos na pinag-babadil ang CAFGU mantang nagdurulag man tolos ang mga suspechado pasiring sa bukid na parte kan Lupi.

Susug ki Sr. Insp. Jerome Regachuelo, padagos pa ang saindng ginigibong imbestigasyon sa nasabing pambabadil orog na sa posibleng mga nakahiling na puwedeng makapagtao nin impormasyon para madakop ang mga armadong suspechado.

Bago nangyari ang nasabing insidente, pinagharass man kan armadog grupo ang sarong detachment kan military sa nasabing banwaan. Sarong sibilyan ang nairido na pinabulong man tolos sa Bicol Medical Center digdi sa Ciudad nin Naga.

Mientras tanto, nag-aantisipar na an pulis sa posibleng pagpamate pa kan mga rebelde sa saindang lugar orog na ngonian na paranihon ang eleksyon sa 2016.—Ni Melvin Machado BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...