Wednesday, May 6, 2015

Babae, hinabonan mantang nagbibilar

CIUDAD NIN NAGA—Dae nang pinipiling lugar o okasyon an mga parahabon sa ciudad na ini.

Kan sarong aldaw pa sana, pigreport kan pulis na sarong babae an nadukutan kan saiyang shoulder bag mantang nag-aatender kan bilar kan saiyang lolo sa Blissful Chapel, Funeraria Imperial, Barangay Penafrancia.

An pungaw asin mundo naribayan tulos nin pagkangalas kan mamansayan kan victima na nawawara an saiyang bag na kantidad P10,000.

Si Maryline Salva Borja, 24 anyos, kan Progress Homes, Del Rosario, Canaman, Camarines Sur, nagpahayag sa pulis na nawara an saiyang gamit sa pag-oltanan kan alas 4 asin alas 6 nin maomagahon.

Nasa laog kaini iyo an duwang cellphone na kantidad P10,000 kada saro, sarong wallet na may nagkapirang ID asin ATM card, duwang sunglasses na kantidad P1,500 asin P3,000, kwintas na bulawan na kantidad P10,000, asin cash na 19,000.

Pigsososog pa kan mga autoridad kun sisay an nagkua kan mga gamit kan victima sa oras na sinusurat an baretang ini.

Mientrastanto, nagpatanid an mga pulis na magin marigmat sa gabos na oras, maski na ngani yaon sa mga lugar kun sain dae ninda inaasahan mawaran.—BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...