Monday, May 4, 2015

Atty. Ruel Tuy vs. Belle Prades sa cargong alkalde sa Tinambac

TINAMBAC, Camarines Sur—Pigconfirmar ni Mayor Ruel Velarde kan banwaan na ini na si Atty. Ruel Tuy na mananggad an saindang pinagkasararoan na panlaban sa cargong alkalde sa banwaan na ini.

Inako ni Mayor Velarde sa BICOL STANDARD na nagkaoroyon na an saindang grupo na manokon si Tuy na haloy na man na suportador kan saindang grupo asin katuwang sa election.

Sa cargong vice alkalde, an aki ni dating alkalde Rosito “Itoy” Velarde an saindang pigkaoroyonan na ilalaban.

Si Mayor Ruel Velarde yaon na ngonian sa ultimong turno bilang hefe ehekutibo kan banwaan na nagheridar man kan pwestong ini ki dating Alkalde Itoy Velarde na saiyang matuang tugang.

An anunciong ini iyo an matapos kan mayong ontok na huring-huding dapit sa magiging linyada kan Nationalist People’s Coalition (NPC) sa distrito na pinapamayohan ni Cong. Wimpy Fuentebella.

Mientrastanto, an makakahampang ninda iyo an pambato kan familia Prades, na haloy nang nagmomontar kan saindang grupo na nagmamawot parampahogon an liderato kan mga Velarde sa banwaan na ini.

Enot kaini, si Edward “Bobit” Prades an naglataw na pangaran na iyong isasagupang mayor kan grupo ni Gob. Migz Villafuerte kalaban an mga Velarde.

Mientrastanto, an pinagkasararoan kan mga lideres kan campo ni Prades iyo an saiyang esposa na si Belle Prades na sarong dakulang negosyante.

Sa presente, an mga pulitiko sa Tinambac an nagbibilog na kan saindang completong linyada, poon sa alkalde abot sa ika-walong consejal kan banwaan para sa eleksyon sa 2016.—BICOLSTANDARD.COM
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...