Monday, May 4, 2015

7ng lokal na oficial kan Catanduanes, siniripa sa pwesto

VIRAC, Catanduanes—Sinustiniran kan Court of Appeals an kastigong pagsipa sa pwesto asin suspension kan pitong mga oficiales kan Provincia kan Catanduanes na imbuelto sa pagbakal nin overpriced na abono sa sarong dae lisensyadong nagtitinda kaini.

Photo via http://ca.judiciary.gov.ph/
An fundo na ginamit digdi parte kan P728 milyon na fertilizer fund scam kan 2004.

Sa 13ng pahinang ruling, an 13th Division kan Court of Appeals sinustiniran an opisina kan Ombudsman kan 2011, na nagpapalayas sa pwesto kan 4 na mga oficiales kan provincia asin an pagsuspendir nin tulong iba pa, sa pagbakal nin kantidad P1.7 milyon na liquid fertilizer sa kantidad na P1,500 an kada botelya.

An presyo dinagdagan nin 300% ki kan sa tamang presyo kan producto, sabi kan report kan Commission on Audit.

An liquid fertilizer binakal sa Greens International Enterprises, sarong companiya na mayo nin licensiya para mag-operar.

An desisyon pinaluwas kan Abril 17.

An ruling kan Court of Appeals nagconfirmar kan dismissal sa saiyang trabaho ni Rodolfo Malinana, an Provincial Engineer, Ireneo del Rosario, an Budget Officer, Roger Pitajen, an Provincial General Services Office Administrative Officer IV, asin Herbert Evangelista, Sr., an Provincial Agriculturist kan Catanduanes.

Pigconfirmar pa kan desisyon kan Court of Appeals an tolong bulan na suspension ni Julietta Tasarra, Provincial Treasurer, Abelardo Abundo, Jr., an Accountant II, asin Hilda Arcilla, para sa simple neglect of duty.



An kantidad na ginamit sa pagbakal nin likidong abono P5 milyon, na pinabulos sa gobierno provincial hale sa fundo kan Departamento kan Agricultura sa paagui ni Undersecretary Jocelyn “Joc-Joc” Bolante.—BICOLSTANDARD.COM
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...