Wednesday, May 6, 2015

2 lalaki, hinoldup sa Sabang, Ciudad nin Naga

Photo via Wikimedia commons
Mike Gonzales, The Coffee

NAGA CITY – “Pasensya ka na, kaipohan ko lang.” Ini an mga tataramon kan sarong dae nabistong lalaki na nagtutok nin matarom na kutsilyo sa likod kan victimang si Ulysses Fulgentes y Polan, 20 anyos, soltero, taga-Villa Fulgentes, Barangay Sabang asin Mark Vinzon Benosa y Aniente, 19 anyos, taga-Sitio Sto. Nino, Barangay Abella, digdi.

An dae nabistong suspechado, mayong sulot na bado, halaba an buhok, katamtaman an kolor kan kublit.

Ipinahayag kan imbestigador na makusog na ginabring kan suspechado an bag na saklay kan victima na may laog nin pitaka na may P1,000.000, ID card, asin iba pang personal na gamit.

Tanganing marikas na makadulag an holdupper, tinakras kaini an saklayan kan bag kan victima asin garong mayo sanang nangyari na naglakaw-lakaw pasiring sa Sto Nino Interior, sa Barangay Abella, digdi.

Apisar kan maliwanag an aldaw, mayo lamang na nakabisto kan paraholdup na suboot pira nang beses nag-atake sa sinambit na lugar.

Nagpromisa liwat an mga imbestigador na matipon sinda nin mga informasyon na pwedeng maging dalan para masusug an gira kan parahabon.

Arog kan dati, an mga victima nagpahayag kan saindang grabeng pagkadisganar sa nagpapadagos asin garo mayo nang solusyon na  na harabonan sa ciudad na ini . BICOLSTANDARD.COM  Pirming enot. Pirming bago.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...