Wednesday, May 6, 2015

2 estudyante tinira kan riding-in-tandem sa Naga City

Photo via Wikicommons
Mike Gonzales, The Coffee

CIUDAD NIN NAGA --Mayo nang pinipiling oras nin aldaw asin bangui an mga inaapod na “criminals using motorcycles” sa pagperwisyo sa mga residentes digdi, mantang mayong namamateang  ginigibo an mga awtoridad tanganing madakop sinda asin makastigo.

Kan sarong aldaw, duwang joven na mga estudyante an inagawan kan saindang dara-darang personal na gamit mientras na naglalakaw pasiring sa saindang boarding house.

An mga victima iyo sinda Jun Cruz(bakong tunay na pangaran),  17 anyos asin si Ramish Baldoza y Barrameda, 25 anyos. Pareho sindang nag-aarkila nin estaran sa Aquino apartment sa Barangay Sta. Cruz proper, digdi. 

An duwang suspechado dae nabisto.

Base sa osipon kan mga victima, naglalakaw sinda papuli sa saindang estaran kan abayon sinda kan sarong SYM na motorsiklo na color puti asin itom na mayong plaka.

An drayber kan motorsiklo, na nakasulot nin putting “full face helmet,” an nagtutok kan saiyang armas na calibre .38 na revolver, dangan nagsabing “Wag kayong gagalaw. Puputokan ko kayo.”

Mientras na sinda nakubanan, an kaibahan na lalaking kasunod sa motorsiklo an naggabring na kan saindang mga darang gamit.

An mga nahabon sainda iyo an mga minasunod: 1ng unit na Star Mobile Sky cellular phone na kantidad P4,000.00, 1ng unit na Samsung Galaxy cellular phone na kantidad P5,000.00, pitaka na igwang laog nin P2,100.00, 1ng unit na Iphone 6 plus na an kantidad P43,000.00, 1ng unit na Ipod Apple Air na kantidad P36,000.00. 

Segun sa mga imbestigador na pinapamayohan ni PSI Alvarado D. Ventabal, nagtitipon pa sinda nin mga informasyon para mabisto an responsible sa krimen.

Mientrastanto, an pinakabagong incidente dugang na naman sa nagpaparalaba na incidente nin krimen na an mga suspechado mga tawo na magkasuno sa motorsiklo. (BICOLSTANDARD.COM)
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...