Saturday, April 25, 2015

Playboy na lolo, na agkong pigbabaloy-baloy, rinakop

Map via Wikicommons
Mike Gonzalez, The Coffee

BAAO, CSur –Kinasohan dangan ipinadakop kan saiyang tunay na agom an sarong 65 anyos na suboot plaboy na lolo, sa Barangay San Isidro, sa banwaan na ini.

Pinangaranan an akusado na iyo si Ernesto Balbuena y Boquiron, susug sa mandamiento de aresto na pinaluwas contra saiya kan Municipal Trial Court (MTC).

Sabi sa record kan mga awtoridad si Balbuena, kinasohan kan saiyang esposa nin Concubinage ta inabandonar kan suspechado an saiyang agom, tanganing duman na magestar kaibahan an saiyang bagong kailusyon asin kasaroan.

An concubinage, sarong caso nin lantadan na pananambay.

An suspechado sinahotan kan saiyang esposa na may pigbabaloybaloy  nang joven na piday.

Kan tukloon kan mga pulis sa pamamayo ni SPO4 Dennis B. Barrameda, SPO1 Ryan P. Bulawan, PO2 Marife Marife Monge, PO1 Roma Katherine T. Batacan, PO1 Almira Repaso, si Balbuena dae man nakisuhay asin mahuyong boot na nag-iba sa mga awtoridad.

Dinakop siya sa kasuguan kan Juwes, sa mandamiento de aresto na firmado ni Judge Dominador A. Agom kan MTC sa banwaan na ini.

May recomendadong fianzang P12,000 an jusgado para sa temporaryong libertad kan akusado. Report Ni Oscar Esmenda (BICOLSTANDARD.COM) Pirmeng enot. Pirmeng bago.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...