Wednesday, April 8, 2015

No. 1 Most Wanted sa droga sa Sorsogon, arestado na

SORSOGON CITYNahulog na sa kamot kan autoridad an number 1 most wanted sa enterong provincia kan Sorsogon sa pagbalgar sa ley contra sa ilegal na droga.

Sa pinagsarong fuerza kan Provincial Intel Branch, Sorsogon PPO, RID- RSOG 5, PDEA asin Sorsogon City Police Station, nadakop an suspechado na si Francisco Sanchez Jr. y Suriaga o mas midbid sa apod na “Baby Sanchez” sa paagui nin buy-bust operation

Si Sanchez, 46 anyos, may agom asin residente kan Barangay Cabid-an, Sorsogon, kabali man sa inaapod na regional watchlist kan mga personalidad sa droga sa enterong Kabikolan.

Pig-kumpiskar sa saiyang poder an apat na pakete na may laog nin kemikal na pigtutubudan na shabu, asin an sarong P1,000 na marked money.

An nasambit na kemikal ipapadara sa Regional Crime Laboratory para kumpirmaron kun ini mananggad an ipinapangalad na shabu.

Mientrastanto, si Sanchez nasa kustodiya na kan Sorsogon City Police Station sa oras na sinusurat an baretang ini.—BICOLSTANDARD.COM
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...