For immediate hiring

For immediate hiring

Thursday, April 30, 2015

Holdupper na nakasulot uniforme kan pulis, mayong huraw an atake

CIUDAD NIN NAGA—Maisog nang maray an mga holduppers digdi asin nagsusulot nang uniforme kan pulis tanganing maging facil an saindang ilegal na trabaho.

Stock photo hale sa Pixabay
Base sa record, kan sarong bangguing mag-omagahon, nangyari an sarong krimen sa may Molave St., sa Barangay Balatas digdi sa atubangan na gayo kan Pamulo Apartment.

An mga victima iyo sinda Nina Cilo y Arca, 26 anyos, may agom, residente kan Cuyaoyao, Tigaon, Camarines Sur; Lady Bless Ballaver y Tolop, 26 anyos, daraga, taga Causip, Bula, Camarines Sur; Ricky Moreno y Naron, 26, soltero, taga Bulawan, Bula, Camarines Sur asin Marco Besinal y Arasas, 20 anyos, soltero, taga Binawaanan, Pili, Camarines Sur.

An mga suspechado, dae nabisto kan mga victima.

Mientrastanto, sabi sa pagsiyasat kan mga awtoridad, kan nasambit na panahon, mantang an mga victima na sinda Nina Cilo asin Bless Ballever, mababa na sa saindang linulunadan na Hyundai Hatchback, an duwa nindang amigo na sinda Ricky Moreno asin Marco Besinal, naghahalat man sainda.

Sa puntong ini, duwang lalaki na nakasulot nin itom na helmet, jacket asin blue na t-shirt, may armas na calibre .38 na revolver an nagrani sainda.

An duwang lalaki nakalunad sa motorsiklo na mayong plaka, nakasulot nin t-shirt na may dakulang nakasurat na “PULIS,” biglang nag-gabring kan saindang darang gamit, mantang nakatutok an badil asin kutsilyo.

Nakua hale ki Lady Bless Ballever sarong cellphone kantidad P60,000, sarong bag na may laog na driver’s license, voter’s ID, ATM cards asin sari-saring llave.

Hale ki Nina Cilo, an naagaw kan mga holduppers iyo an llave kan saiyang awtong Toyota, asin cash na P1,000.

Mientrastanto, nakua hale ki Ricky Moreno an kantidad P15,000, asin ki Marco Besinal, P5,000.

Dae pa guiraray nakontento an mga paraholdup, linaog pa ninda an okupadong apartment kan mga victima asin pirit pang kinua an nagkapirang kasangkapan.

Pagkatapos na masimit an mga gamit kan mga victima, marikas sindang nagdurulag pasiring sa Magsaysay Avenue digdi.

An casong ini pig-iimbestigaran pa kan mga pulis.

Hasta ngonian mayo pang senyal na mabibisto an mga criminal.—BICOLSTANDARD.COM Pirmeng enot. Pirmeng bago.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...