Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Sunday, April 26, 2015

Nag-atender nin party, binadil, gadan

IROSON, Sorsogon –Pig-iimbestigaran pa sagkod ngonian kan mga miembros kan pulis sa banwaan na ini an pinakabagong victima nin panggadan na nangyari sa Barangay Patag sa banwaan na ini.

An victima pigbisto na iyo si Gregorio Hila y Bigata, alyas “Onyo,” 55 anyos, may agom, asin residente kan nasambit na barangay.

An incidente ipinaabot sa atensiyon kan mga awtoridad ni Carmen Arigo, y Rabulan, 70 anyos, taga Barangay Patag.

Sabi sa pahayag ni Arigo, nagimata siya kan makusog na putok nin badil na nangyari harane sa saindang lugar.

Kan saiyang pigverificar an incidente, nadiscubre niya an nakahutad nang bangkay ni Hila.

An victima, segun sa nagunong informasyon, hale sa celebrasyon nin may compleano.
Sa birthday party, nakabale pa siya sa ininoman kan saiyang mga amigo.

An victima, susug sa tinipon na report kan pulis, binadil na haraneng maray sa saiyang payo, na nagresulta sa saiyang tulos na kagadanan.

Nakua sa lugar kan pinangyarihan kan krimen an baseyo nin bala na hale sa calibre .45ng pistola.

An bangkay ni Hila dinara sa Irosin District Hospital para sa necropsy examination.

Mientrastanto, mayo nin nakaheling sa pangyayari. An motibo kan krimen pig-aadalan pa sagkod sa presente kan mga imbestigador.–BICOLSTANDARD.COM
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...