Mayor Chavez vs. Atty. Tomotorgo sa San Jose, CSur

SAN JOSE, Camarines Sur—Pwersadong lalabanan ni Abogado Ricky Tomotorgo si incumbent mayor Antonio Chavez kan Nationalist People’s Coalition sa banwaan na ini sa maabot na election, sa 2016.

Left: Mayor Tony Chavez, Right: Atty. Ricky Tomotorgo
Photos via Chavez' and Tomotorgo's Facebook accounts
Amay pa ngonian na taon, si Tomotorgo, nagsumpa na sa Partido Nacionalista ni LRay Villafuerte, tanganing tawan nin makusog na laban an nakatukaw na alkalde, na palaogon na sa saiyang ikatulo asin ultimong turno.

An challenger na si Tomotorgo nag-aasa sa makinarya ni Gov. Migz Villafuerte, mantang si Chavez, may sadireng makinarya sa politika asin nasa kampo ni Cong. Wimpy Fuentebella.

Mientrastanto, kasoodma, hale sa campo kan gobernador, sinasabing tatakodan nin tambod ni Tomotorgo para vice alkalde kan San Jose iyo si Dr. Daniel Pervera, mantang sa parte ni Chavez, an saiyang ka-partner para vice alkalde iyo an re-electionistang si Evelio Pena.

An mga nag-oobserbar sa politika digdi nagsasabi na pwedeng madificilan si Atty. Tomotorgo na parampahogon an liderato ni Mayor Chavez huli kan organisado si Chavez sagkod sa mga barangay.

Sa parte ni Tomotorgo, nagtutgubod siyang panahon na tanganing mag-elihir nin bagong dugo sa politika kan banwaan.

An pinakadakulang problema kan challenger an paghanap nin masasarigan asin pusog na linyada sa cargong consejal sa banwaan.

Segun sa nagunong informasyon digdi, an kadaklan kan mga may planong magsuag kan liderato ni Chavez an nagsabit sa dakulang problema legal, na imbuelto si mga pangyayari kan nagtaliklod na eleksyon.—BICOLSTANDARD.COM

Start typing and press Enter to search