Wednesday, April 22, 2015

Konduktor kan bus, pigreklamo sa pantsansing

NAGA CITY – Dae maaraman kan sarong 22 anyos na daraga na nagsakay sa Raymond bus an saiyang gigibuhon matapos siya suboot abusuhon kan konduktor kan sasakyan.

Stock image via Pixabay

Sabi sa informasyon na tinipon kan BICOLSTANDARD.COM, si Nerissa (bakong tunay na pangaran), naglunad sa bus sa Pili pasiring sa Manila.

Sa tukawan na okupado niya, may kataid siyang sarong babae na may kaibanan na aki na kolkol kan saiyang ina sa tukawan.

Madali siyang napaturog. Nanok na maray asin hararom an turog niya.

May narisa siyang nagkikimit-kimit sa saiyang daghan, na sa enot niyang paghuna si kamot kan aki na nasa kataid niya.

Mayong malisya si Nerissa na nagbolokon guiraray asin ipinadagos an pagturog.

Alagad, nakarisang makusog na si pagumlo sa saiyang daghan kaya napagimata.

Digdi niya naaraman na may lalaki siyang kataid na iyo palan an nagpara-tsansing saiya.

Segun saiya, mantang nasa awto, dae siya nakagirong ta habo niyang mag-eskandalo. Takot suboot siya na mag-osip sa driver ta an saiyang pagduda mayo siyang makukuang justicia.

Pag-abot sa Manila, saka sana si Nerissa nagsumbong sa saiyang ina, mantang naghihibi.

Isinumbong na man niya sa opisina kan Raymond an nangyaing pag-abuso saiya kan konduktor na binistong si Alex Merle.

Mientrastanto, an magurang ni Nerissa maplantear nin reklamo sa oficina kan Raymond bus.

Mawot kan victima na tawan nin leksyon an imbueltong persona sa nangyari, asin ibalangibog an nangyari sa pasahero kan bus.

An konduktor pigsuspendir na sa trabaho, sabi ni Jun Fabricante, manager kan nasambit na bus company sa ciudad nin Naga.–ni Boyet Paderes BICOLSTANDARD.COM Pirment enot. Pirmeng bago.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...