Sunday, April 26, 2015

Inang nagsaway sa nagrarabong na mga igin, nasaksak

NABUA, Camarines Sur—Nadisgranciang nasaksak kan saiyang aki an saiyang ina na nagprobar magsaway kan saiyang nagrarabong na mga igin.

An victima iyo si Ester Fordan-Gastilo, 56 anyos, balo, taga Zone I kan Barangay Paloyon Proper, digdi.

Base sa imbestigasyon, si Bryan Gastilo y Fordan, 32 anyos, asin an saiyang ngohod na si Reynan Gastilo y Fordan, mga igin ni Ester F. Gastilo, nag-suruntokan.

Nagdulok an saindang ina para magsaway.

Alagad, en vez na magsunod sa nagpatahaw nang magurang, nag-orog pa lugod an borontolan kan magtugang.

An sabi, naggabot si Bryan kan saiyang darang balisong, para gamiton na armas sa saiyang kaiwal na tugang.

Sa katahawan kan surontokan, sinaksak ni Bryan an saiyang ina na tinamaan kan matarom na balisong sa saiyang toong takyag.

Nagkasiribot an mga tawo kan maheling na nagtitiwis an dugo hale sa lugad na sinapo kan ina.
Dinara tulos si Ester F. Gastilo sa Rinconada Hospital tanganing bulongon.

An ginamit na balisong yaon na sa poder kan mga imbestigador, para gamiton na evidencia sa isasangat na kaso contra ki Bryan Gastilo.

Mientrastanto, an suspechado naghahalat na kan kaso na saiyang aatubangon. BICOLSTANDARD.COM Pirmeng enot. Pirmeng bago.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...