Harong sinulo, babaeng kagsadire pigparataga

Map via Wikicommons Mike Gonzales, The Coffee

LABO, CNorte –Mas hararom na imbestigasyon an ginigibo ngonian kan mga awtoridad sa banwaan na ini manongod sa pagsulo asin pagtaga nin sarong balong paraoma, na residente kan P4, digdi.

Sabi sa ginibong pagsiyasat, an victimang si Rufina Francisco y Ilan, nagtuturog sa saindang harong kan makadangog nin toktok sa saindang harong an aking babae kan victima.

Nagsayuma an victima na bukasan an saindang pwertahan.

Pirang minutos sana, sabi kan victima, naheling niya an saindang harong na nag aarab-adab na an kalayo asin an aso makusog nang nagkakanayap sa saindang kaharogan.

Nahimo kan victima na magluwas sa harong.

Alagad, pagtungkahal pa sana niya sa pwerta, sinabat na tulos siya kan suspechadong si Geronimo Sasatona y Crisostomo, asin dinagoso nin taga sa manlaenlaen na parte kan saiyang hawak.

An victimang si Francisco dinara tulos sa Camarines Norte Provincial Hospital, asin nagpapaomay kan saiyang mga lugad.

An victima nagdeclarar sa mga imbestigador na an danyos sa saiyang pagrorogaring, huli sa pagkasulo kan saindang harog carculadong kantidad P10,000.

An mga pulis nag sangat nin reclamong Frustrated murder contra sa suspechado, afuera kan pwede pang isangat na casong arson, sa pag sulo kan siyang harong. BICOLSTANDARD.COM Pirming enot. Pirming bago.  

Start typing and press Enter to search